Google ընկերությունն իր պաշտոնական բլոգում հայտնում է, որ շուտով Google Որոնման ալգորիթմներում նշանակալի թարմացումներ են սպասվում, մասնավորապես կապված որակյալ և օգտակար բովանդակությունը հետազոտելու հետ։
և պետք չէ ստեղծել բովանդակություն՝ ռոբոտներին դուր գալու համար: Պատկերը՝ հատված Վարդան Պապիկյանի հեղինակային SEO from Zero թրենինգի պրեզենտացիայից
Հիշեցնեմ նաև որակյալ բովանդակության հետ կապված 4 կարևոր տարրերի մասին։
Օրիգինալ և որակյալ բովանդակության ավելի լավ վարկանիշ Google-ում
Մենք անընդհատ թարմացնում ենք Որոնումը, որպեսզի համոզվենք, որ օգնում ենք ձեզ գտնել բարձրորակ բովանդակություն: Հաջորդ շաբաթ մենք կգործարկենք «օգտակար բովանդակության թարմացումը», որով ստուգվելու է այն բովանդակությունը, որը կարծես թե հիմնականում ստեղծվել է որոնման համակարգերում լավ վարկանիշ ստանալու համար, այլ ոչ թե մարդկանց օգնելու կամ տեղեկացնելու համար: Վարկանիշի այս թարմացումը կօգնի համոզվել, որ ոչ օրիգինալ, ցածր որակի բովանդակությունը Որոնման մեջ բարձր տեղ չի զբաղեցնում։ Մեր թեստավորումը պարզել է, որ այն հատկապես կբարելավի առցանց կրթության, ինչպես նաև արվեստի և զվարճանքի, գնումների և տեխնոլոգիական բովանդակության հետ կապված որոնման արդյունքները, — ասվում է Google-ի հրապարակման մեջ։
Օրինակ, եթե դուք փնտրում եք նոր ֆիլմի մասին տեղեկություններ, դուք կարող եք նախկինում տեսած լինել հոդվածներ, որոնք հավաքել են այլ կայքերի կարծիքները՝ չավելացնելով այլ տեսանկյուններից այն, ինչ հասանելի է այլ վայրերում: Սա այնքան էլ օգտակար չէ, եթե ակնկալում եք նոր բան կարդալ: Այս թարմացումով դուք կտեսնեք ավելի շատ արդյունքներ եզակի, վավերական տեղեկություններով, այնպես որ ավելի հավանական է, որ կարդաք մի բան, որը նախկինում չեք տեսել, — նշում է գուգլի հրապարակումը։
Փորձագետների կողմից գրված արտադրանքի ավելի օգտակար կարծիքներ (Product reviews)
Google ընկերությունը միաժամանակ օպտիմալացնում է արտադրանքների վերաբերյալ գնահատականների կարծիքների կիրառումը որոնման արդյունքներում կայքերի դիրքի ազդեցության մասով։ Արդեն տևական ժամանակ Google-ը հետազոտում և լավարկում է կարծիքների ինդեքսացման ալգորիթմներն ու ավելի լավ է հասկանում գնահատականների իսկությունը՝ թույլ չտալով մանիպուլյացիաներ անել կարծիքների և գնահատականների միջոցով։
Արտադրանքների վերաբերյալ կարծիքները կարող են կարևոր դեր խաղալ՝ օգնելոով օգտատերերին ապրանքների գնման գործում:
Անցյալ տարի մենք սկսեցինք մի շարք թարմացումներ՝ ավելի օգտակար, խորը գնահատականներ ցուցադրելու համար՝ հիմնված որոնման արդյունքների առաջնային փորձառության վրա, — մասնավորեցնում են Google-ի բլոգում։
Google ընկերությունը հաջորդիվ հավաստիացնում է, որ շարունակել է կատարելագործել այս համակարգերը, և առաջիկա շաբաթների ընթացքում ներկայացնելու է ևս մեկ թարմացում՝ բարձրորակ, օրիգինալ կարծիքներ գտնելն էլ ավելի հեշտացնելու համար: Այդպիսով Google-ը ցանկանում է համոզվել, որ օգտատերերը կգտնեն ամենաօգտակար տեղեկատվությունը, երբ համացանցում գնումների հետ կապված ուսումնասություններ են անում:
Գլխավոր պատկերը՝ Google Blog
